سؤال محيرني

في حاجه لاحطتها ف الغربه ومش لاقي لها تفسير. هو ليه غير المصريين عندهم احساس بالأمان أكتر ؟

يعني ف الظروف المنيله بتاعه سوق البترول اليومين دول تلاقى المصريين حتى اللي جوه مصر قالقانين وبيفكروا ويحسبوا والأجانب عادي جدا مش مشكله مانا حلاقي شغل تاني بعدينز

ليه احنا دليما بندور على الهم ونفكر ف المستقبل ولو معندناش مشكله نقعد ندور على مشكله تشغل تفكيرنا... دي قلة إيمان ولا مرض نفسي؟

إعدااااااااااام

بقالي كتير مكتبتش....بس النهارده يوم متميز.
إعدام أول رئيس مدني لمصر. مع إني من الناس اللي نزلوا ضده في 30 يونيو لكن دي ماكنتش النهاية اللي انا تمنيتها للاحداث دي.

من الواضح إن مش مكتوب لجيلنا انه يشوف بلده متقدمه ومتحضره. كمية القرف اللي الواحد بيقراه ويسمعه من مصر بيخليه يحمج ربنا طول الوقت انه بره البلد دي.

اللهم لك الحمد والشكر.

لك الله يا بلدنا...ومعلهش يا ولادنا حاولنا بس فشلنا.