بقالي سنة ممتنع عن الكلام في السياسة. الوضع كان مقرف ولا يزال لكن الحراك الموجود في الشارع الان خلاني محتاج اتكلم.
هل سيتحرك الشعب!! بلاش هل انا حنزل المظاهرات يوم 30 يونيو؟
انا نزلت قبل كده عند الاتحادية لكن المرة دي مش عارف حاسس ان الحشد على النت والتليفزيون بس.
كل اللي اعرفهم متحمسين بس انا متاكد انهم مش نازلين وغالبا رايحين الساحل!!
المشكله ان اللي اعرفهم كلهم فلول وهدفهم الاساسي عودة مبارك او نظامه. كلهم يا انتخبوا شفيق او قاطعوا الانتخابات.
ان من عاصري الليمون......اللي ندموا وكرهوا الليمون ولونه وطعمه.
هدفي مختلف عن هدفهم ودي مشكلة اكتر الناس انهم محتاجين يتحالفوا مع ناس مختلفين معاهم في الهدف الابعد ولكنهم متفقين في الهدف الاقرب.
ده نفس اللي خلاني اعصر ليمون اول مره....ومش مستعد اعمل كده تاني.
وبعدين يا مصر
